shri krishna maha raas leela - part 1

Radhe radhe sabko,

Is post mein maha raas leela ko sunana chahta hu.
maha raas leela ko shri mad bhagwat mein kaafi importance diya gaya hai, kyunki ye koi saadharan leela nahi  thi.
ye aatma aur paramatma ka milan hai.
raas leela mein vaasna ki koi jagah nahin hai, agar kisi ke mann mein thoda sa bhi vikaar/vaasna hai, to raas leela mein pravesh nahi mil sakta.
jaisa ki bhagwaan ne vaada kiya tha gopi cheer haran leela mein, ki wo gopiyon ke saath raas leela karenge.
Gopi cheer haran leela ke baad gopiyon se shareer vaasna rahit ho gaye the.

ab gopiyan har raat ko wait karti thi, ki wo din kab aayega, jab shri krishna apna vaada poora karenge aur gopiyon ke saath raas karenge.
ab wo din aa hi gaya.
sharad poornima ki chandni raat mein shri krishna bansuri baja kar ek-ek gopi ko bula rahe hain.
koi gopi gobar leep rahi thi, koi shringaar kar rahi thi, koi aata goond rahi thi.
jo gopi jis haalat mein thi, usi haal mein shri krishna se milne daud padi.
sab gopi ki haalat ajeeb hi thi.
aankho ka kaajal hontho par laga diya, kisi ke haath aate se sane hue the, kisi ke gobar se sane hue the,
lehnga sir par daal liya.

kahne ka matlab ye hai ki, ki gopiyon ko apni shaaririk dasha maloom hi nahi thi.
bhagwaan shankar ji bhi gopi ka bhesh bana kar raas leela mein aaye.
waise bhi raas leela ka sharir se kucch lena dena bhi nahin tha, ye to aatma ka paramatma se milan tha.
agar shaaririk sundarta ka jara sa bhi ahankaar aa jata, to raas leela ka koi matlab hi nahin rah jata.

kuch log raas leela ko vaasna ki nazar se dekhte hain, aisa kahna bilkul galat hai.
pehli baat to ye, raas leela khule aasmaan ke neeche sharad purnima ki chandani mein hui thi, agar kisi ke mann mein thoda bhi vikaar hota, to ye leela band kamre mein hoti.
doosri baat ye, ye koi aurat-purush ka milan nahin hai, balki ye to maaya ke aavaran se rahit shudh jeev-ishwar ka milan hai.
gopi ka matlab hi shri krishna se prem hai, apni aurat-purush nature ko bhulaa kar.

teesri baat ye, raas leela bhagwat ka phal hai, raas leela ke 5 adhyaay, 5 prano ke prateek hai.
5 praano ka ishwar ke saath raman ka naam hi raas leela hai.

aage bahut hi sunder raas leela aati hai joki is prakaar hai raas leela part 2
maha raas leela se sambandhit ek aur leela shri mad bhagwat mein aati hai - kaamdev leela